სასწავლო ცენტრის ემსახურება სასჯელაღსრულების, პრობაციისა და იურიდიული დახმარების საკითხთა სამინისტროს სისტემის თანამშრომლებს.

ტრენინგზე რეგისტრაცია ხდება არა საკუთარი სურვილით, არამედ ზემდგომი ორგანოს მიერ მოწოდებული სიების საფუძველზე.

უწყების თანამშრომელთათვის სწავლა ცენტრში უფასოა.

ტრენინგის მსვლელობისას მსმენელი უზრუნველყოფილია: მაღალკვალიფიციური, პრაქტიკოსი ტრენერებით, სასწავლო მასალით, თანამედროვედ აღჭურვილი ტრენინგ დარბაზით, ტრანსპორტირებით, შესვენებაზე ყავით, სადილით, სპორტული დარბაზით, ბიბლიოთეკით, იმიტირებული საკნით და საჭიროების შემთხვევაში სასტუმროს ტიპის ოთახებით, საბილიარდოთი.

სასჯელის აღსრულების სისტემაში შერჩეული კანდიდატი ინიშნება 6 თვემდე გამოსაცდელი ვადით და დაწესებულებაში პრაქტიკის გავლის შემდგომ სასწავლო ცენტრში გადის პირველდაწყებით საბაზისო მომზადებას. ამ ეტაპის წარმატებით გავლის შემდგომ მსმენელი იგზავნება 30 დღიან პრაქტიკულ მომზადებაზე შესაბამისი ტიპის დაწესებულებაში. მხოლოდ სასწავლო პროცესის წარმატებით დასრულების და სერტიფიკატის აღების შემდგომ იდება ხელშეკრულება მსმენელთან, არანაკლებ უახლოესი 2 წლისა.

სასწავლო ცენტრის ტრენინგები განსხვავებული ხასიათისაა დაკვეთიდან გამომდინარე. მაგალითად, პირველდაწყებითი საბაზისო მომზადების კურსი მოიცავს თეორიულ, პრაქტიკულ, ფიზიკურ და ტაქტიკურ მომზადებას.