4 აგვისტოს, სასჯელაღსრულების #3 დაწესებულებაში (ბათუმი ) საცხობი და თონე გაიხსნა. გახსნას სასჯელაღსრულების, პრობაციისა და იურიდიული დახმარების საკითხთა მინისტრი დიმიტრი შაშკინი დაესწრო. საცხობი კომპანია „მეგაფუდმა" გახსნა. პირველ ეტაპზე მსჯავრდებულებს თონეში ქართული პურის და თანამედროვე საცხობში ცომეული პურ-პროდუქტების ცხობას კომპანია „მეგაფუდის" მიერ დაქირავებული პროფესიონალი მცხობელი შეასწავლის. სასწავლო კურსის შემდეგ, მასწავლებლის მიერ შერჩეულ მცხობელებს ექნებათ საცდელი პერიოდი, რომლის განმავლობაშიც მათი ანაზღაურება იქნება 250-300 ლარი ყოველთვიურად. |
|
