|
პირობით მსჯავრდებულთა აღრიცხვის წესი მარტივდება.
ცვლილებასთან დაკავშირებით სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ ბრიფინგი გამართა.
მინისტრის თქმით, ცვლილება პრობაციონერებს მნიშვნელოვან შეღავათს უწესებს: თუ პირობით მსჯავრდებულის პრობაციის ბიუროში გამოცხადების დღე დასვენების დღედ გამოცხადებულ დღესასწაულს დაემთხვევა, იგი საერთოდ თავისუფლდება ამ დღეს გამოცხადების ვალდებულებისაგან.
აქამდე მოქმედი წესით, თუ პირობით მსჯავრდებულისათვის დადგენილი გამოცხადების თარიღი ემთხვეოდა შრომის კოდექსით გათვალისწინებულ დასვენების დღეს, იგი პრობაციის ბიუროში მომდევნო სამუშაო დღეს უნდა გამოცხადებულიყო.
| 
